里爾爭踢歐聯客Ｗ可靠
2014/05/02
文:ComboKing
踏入五月歐洲各地聯賽進入最後衝刺階段，大家投注前一定要留意邊啲球隊仲有搶分需要，今晚法甲直播賽事，里爾作客鬥巴斯蒂亞，里爾今場贏波便可穩奪前三進軍來屆歐聯，巴斯蒂亞已經夠分上岸，而且今季遇上前列球隊都係輸多贏少，1.66倍客Ｗ可作過關重心。
（TVB 301周六凌晨2時30分直播）
法甲剩餘三輪，排第三嘅里爾現時領先聖伊天七分，換句話講里爾今仗只要全取三分，便可篤定取得聯賽前三進軍來屆歐聯，由於里爾下輪將要硬撼巴黎聖日耳門，為免夜長夢多，當然希望盡快完成目標。里爾近五場聯賽四勝一和，前鋒沙洛文卡勞攻入三球表現回勇，狀態信得過。巴斯蒂亞現排十一已經護級成功，近期只係贏過包尾大幡阿些斯奧，戰意存疑，而且佢哋今季主場先後輸畀聖日耳門、摩納哥、聖伊天及里昂，實力明顯同前列隊伍有距離，有地利之助都信唔過。
華歷簡奴大起畢爾包
另外兩關比賽，荷蘭聯賽附加賽迪加史卓普主場對幸運薛達，迪加史卓普首回合領先四比一，今場唔輸已可進身下圈比賽，幸運薛達今季常規聯賽曾作客殺敗迪加史卓普，捧讓球客勝。最後西甲華歷簡奴主場鬥畢爾包，華歷簡奴主場聯賽五連勝，加上已冇護級壓力，面對前四位置好穩陣嘅畢爾包預料會係對攻比賽，捧大盤啱數。