飛腳教頭再做心跳殺手
2015/04/12
（日）4 清水心跳 Vs 大阪飛腳
日職今日上演恩怨情仇大片，清水心跳喺主場對大阪飛腳，隨時輸到仆直，因為飛腳教練長谷川健太領軍倒戈特醒，上季連盃賽4戰清水有3勝1負，就算佢曾經以球員同教練身份為清水心跳効力多年，睇怕都會忍痛贏多次。
（有線61及201周日下午2:00直播）
清水心跳5連敗
清水原本已經有後衞內田健太養傷，中場河井陽介同中堅迪贊積高域停賽，簡直連個天都要佢哋死咁款，連盃賽5連敗邊似翻到身？雖然飛腳都有唔少傷兵，後衞西野貴治更加喺亞冠盃傷埋，不過佢哋已經強勢復活，信長谷川健太要追客勝。