歐國盃：比比仗義執言炳C朗
2012/06/17
踢得差話之你係Star
一人獨大，喺一個團體入面絕非好事，有時畀吓挫折個大佬，先可以令佢進步。葡萄牙隊長C朗，陣內地位有幾高唔使多講，平時班隊友見到佢都頭耷耷，C朗踢成點都唔敢出聲；但《晨郵報》爆料近期情況有所改變，「殺人王」比比成更衣室新大佬，上仗對丹麥時更曾大喝C朗，要佢集中精神踢波，唔好講咁多嘢。
葡萄牙傳媒《晨郵報》爆料，話上仗對丹麥C朗躁到極，半場於更衣室中大發老脾﹕「我上半場攞過3次波咋！3次！3次！3次！」之後又大鬧防線踢得曳﹕「呢啲咁嘅防守點掂！」之後比比企出來大喝C朗，叫佢唔好咁多批評，自己集中精神踢好啲好過。據聞成班隊友都好Buy比比，證明C朗喺隊中已失人心。
荷蘭唔掂 尹佩斯照攞獎
另方面，雖然荷蘭戰績麻麻，但尹佩斯演出算唔曳，衰衰哋都攻入一粒；而佢日前更被英國職業球員工會選為11/12賽季最佳球員。