now重奪英超3季播映權
2013球季起fans期待免費波
now TV重奪英超獨家播放權！now TV昨日正式宣布，已與巴克萊英格蘭超級聯賽達成協議，於2013/14球季開始，連續三季直播英超賽事。now TV首席副總裁何麗全表示，今次公司出價審慎，以「喜出望外」價錢投得播映權。有消息指，若now TV成功申請本地免費電視台牌照，會安排英超於免費台播放。
免費波取決免費台牌照
now TV於06年奪得2007至10年英超播映權，當時盛傳價錢約10億港元；但之後卻被有線電視搶去播映權，有說競投價錢增至約15億港元。三年播映期將於明年屆滿，now TV捲土重來，重新向巴克萊英超聯賽進行斟介，終於奪回英超。何麗全對今次斟介結果非常滿意：「今次我們公司出價非常謹慎，因不欲搶高價錢而造成惡性循環，最後我們以喜出望外的價錢中標。」
電訊盈科電視及新媒體董事總經理李凱怡表示，他們今次是以一個克制的態度出價，並有信心英超會為now的客戶增長及業績帶來正面影響。
市場早有消息指有線電視因播映英超，最終未能帶來巨額利潤已顯得失望，或造就now TV重奪播映權。據知今次now TV出價，比三年前爭英超還要少，故今次達成協議價錢，應該低於15億港元。另外，目前now TV正申請免費電視台牌照，如果成功的話，有傳該公司會考慮於免費台播放部分英超直播賽事。
英超極受本地球迷歡迎，故每次英超播映權有變動時，兩間收費電視台都會調整月費計劃價錢，未來勢必引起市場有大動作。下季西甲仍由now TV直播，現時更奪得英超，在球迷用戶層面上有極大優勢。
各方反應
黃興桂（有線評述員）
在我多年講波生涯中，英超轉播權就好似音樂椅，在ESPN、Cable及now TV幾間電視台間氹氹轉，外國有句諺語，中文的意思大概係「自己控制唔到嘅事情，擔憂同講都無謂」，日子仍要繼續，我只講一句，我仍會効忠現時僱主，絕不會因冇英超轉播而離開。
曾偉忠（now評述員）
非常好呀，作為講波佬梗係鍾意講英超，一來睇開有感情，香港人睇咗英國波咁多年，分外有親切感，二來英超係全球最受歡迎賽事，曼聯、利物浦等大球會更係粉絲無數。作為專業評述員，講英超一定要做足功課，因為球迷仲熟過你，萬一講錯資料或者認錯人，實畀人鬧爆。
依雯（now節目主持人)
係咩？絕對係開心事！相信我哋每一位同事都會感到高興，特別係我呢個曼聯支持者，可以一邊工作一邊跟進紅魔鬼動向實在美妙。不過我到今個月底就約滿，未知有冇機會跟一班同事為重奪英超轉播權而努力。
球衣舖老闆Ken
現時now當我哋係商住單位用戶，只收200元月費，我哋安裝後希望喺舖頭搞睇波活動，實行以球會友，一邊睇波一邊講波經。
酒吧老闆尹敬良
講真，邊間電視台播根本冇分別，唯一對我哋有影響係經營成本，除非由免費台播，否則我哋每間酒吧每月8,000至1萬元播波費用走唔甩！