Football

曼城名宿查特曼離世

2013/07/21

曼城來港前收到傷感消息,球會傳奇門將查特曼日前逝世,享年89歲。呢名二次世界大戰德國戰犯,曾為曼城上陣超過500次,其代表作係強忍斷頸痛楚,帶領球隊奪得足總盃錦標。現時1號門將赫特亦封查特曼做偶像,表示非常難過。

上陣逾500次 爆頸照踢決賽

於二次世界大戰期間,德國籍嘅查特曼曾於英國坐監,1949年加盟曼城時,一度惹起當地球迷不滿,但佢好快就以優秀表現征服曼城粉絲。1956年足總盃決賽對伯明翰,查特曼於球賽後半段被踢爆頸,但佢太專注比賽,唔知自己傷情咁嚴重,最後帶傷踢到完場,帶領球隊以3比1奪標。查特曼為曼城奉上所有,難怪成為曼城球迷永遠寵兒。

曼城已部署一系列活動,來悼念呢位傳奇離世;而赫特就話查特曼永存球迷心中﹕「佢曾上陣逾500次,呢個紀錄真係犀利,佢成為我不斷向前嘅推動力。」

波經所提供之資訊概以較新版本為準,並已力求精確可靠,但不保證絕對無誤。
資料只供參考用途,如有錯漏而導致閣下蒙受損失,本公司概不負責。