Football

吹水台:吓!日本球星森本貴幸死咗?

2014/11/23

【on.cc東網 專訊】日本球星森本貴幸驚傳死訊!森本貴幸今午(23日)代表千葉市原於日乙賽事作客讚岐卡馬達馬尼,戰至30分鐘爭頂時同對手撞到應,之後個頭落地失去意識,要用心臟除顫器進行急救,場波中斷28分鐘之後先踢過。

之後中國有討論區爆出森本貴幸傷重身亡,仲要講到消息來源係官網,又有晒日文咁,各大小網站即時瘋傳,連香港部份討論區都有巴打討論,有人仲希望佢安息,氣氛相當沉重。

不過,根據日本傳媒報道,森本貴幸經過檢查後冇乜大問題,預計休息一兩日就可以投入操練,呢次佢驚變「日本洪卓立」,唔知有幾多巴打中招呢?

波經所提供之資訊概以較新版本為準,並已力求精確可靠,但不保證絕對無誤。
資料只供參考用途,如有錯漏而導致閣下蒙受損失,本公司概不負責。