英超Fever：家陣飲啖水都好多嘢煩！

【on.cc東網 專訊】依家香港地，同你講起「飲水」，真係嚇到個心都離一離！點知「飲水」呢個話題，原來喺英超賽場都成為hot topic！周六夜晚10點開波嘅5場比賽，就有4場出現「飲水」場面喇！

根據英超規定，比賽踢到25分鐘時，假如現場氣溫達到30度或以上，球證可以容許兩隊有90秒「飲水時間」，但據《每日郵報》表示，5場比賽只有韋斯咸對般尼茅夫「氣溫達標」，即刻惹來質疑，「飲水派」同「反對派」更激烈辯論！

贊成者好似史篤城球員沙基利，就直言天氣真係太熱喇！但有BBC講波佬就狠批，依家係睇比賽，唔係睇你表演飲水呀！不過講講講，講到飲水，就梗係要搵李斯特城「飲水哥」真禾特 (Daniel Drinkwater)，你睇佢飲得幾咁滋味，就知天氣有幾熱！一句到尾，依家飲啖水，都真係好多嘢顧慮架！