華拉堤揭幕戰可復出　但1位隊友受傷退隊

足球博彩神器，每日重心提供盡在《彩報》：http://win.on.cc/football/　

意大利喺熱身賽大勝捷克4比0之後，領隊文仙尼透露中場史提芬奴辛斯因傷退隊，並補選阿特蘭大中場馬迪奧比辛拿，至於另1位中場馬高華拉堤嘅傷勢已經接近痊愈，可以復出踢6月12日凌晨歐國盃A組揭幕戰對土耳其。

文仙尼話：「球員將會再接受另一次體測，我承認史提芬奴辛斯將會退隊，至於羅倫素柏歷堅尼已經傷愈，而馬高華拉堤嘅傷勢康復進度良好，我認為佢可以出戰土耳其。」

文仙尼仲透露好可能以今場正選陣容，出戰土耳其，意味恩莫比尼、恩斯治尼、杜文尼高貝拉迪組成鋒線，2位祖雲達斯老將邦路斯、基亞連尼扼守中路。意大利同組對手包括土耳其、瑞士、威爾斯。