瑞典「新伊巴」技驚四座　摩連奴出手搶人

即上歐國盃專頁，每日重心提供盡在《彩報》：https://win.on.cc/　

瑞典傳奇前鋒伊巴謙莫域因傷無緣今屆決賽周，不過呢支北歐勁旅進入「後伊巴時代」依然前途光明，21歲前鋒阿歷山大伊沙克喺歐國盃首戰對西班牙技驚四座，據報已獲羅馬同阿仙奴垂青，而摩連奴執教嘅羅馬更已經率先出手搶人！

瑞典對西班牙雖然以守為主，但三兩下反擊都極大威脅，阿歷山大伊沙克上半場就曾經射門中柱，下半場又交出神助攻畀馬古斯貝治，可惜被後者糟蹋。呢位前鋒身材高大，但腳法就相當統熟，確實有伊巴謙莫域嘅影子，呢位皇家蘇斯達前鋒喺剛過去球季西甲入17球，實力不庸置疑。

據意大利傳媒報道，羅馬教練摩連奴已將阿歷山大伊沙克列為今夏收購頭號目標，總監堤亞高賓圖正同皇家蘇斯達接洽；《The Athletic》亦指阿仙奴都對佢虎視眈眈，如果拿卡錫迪離隊就會郁手，不過阿歷山大伊沙克同皇蘇合約有7,000萬歐元買斷條款，要買呢粒明日之星勢必要付出高昂轉會費。