烏龍球數字逾歷屆總和　兼破埋柏天尼紀錄

即上歐國盃專頁，每日重心提供盡在《彩報》：https://win.on.cc/

歐國盃今屆賽事特別多烏龍波，計埋瑞士球員薩卡利亞喺周五（2日）8強對西班牙個球之後，暫時已經有10個，已超過歷屆賽事嘅總和，甚至破咗法國名宿柏天尼喺1984年單屆所射入9球紀錄。

法國名宿柏天尼喺1984年歐國盃表現出色，場場都有波入，分組賽對住南斯拉夫仲要上演帽子戲法，最後創造出5場入9球嘅紀錄，成為神射手兼帶領法國成為當屆冠軍，但今屆終於畀暫時入咗10球嘅「烏龍球」打破咗。

瑞士防中薩卡利亞今場代替停賽嘅格列沙加踢正選，點知開賽僅8分鐘就畀佐迪艾巴遠射省中，改變方向下射破門將恩尼森馬十指關，最後瑞士12碼階段不敵西班牙，8強止步。