「蝙蝠兵團」勢力崛起　帶挈西班牙贏波

足球博彩神器，每日重心提供盡在《彩報》：http://win.on.cc/football/　

周一(6日)凌晨世界盃外圍賽歐洲區B組，西班牙主場以4比0大勝格魯吉亞，近5場比賽首次喺法定時間90分鐘贏波，中場卡路士蘇拿連續2場入波，表現搶鏡，奠定「鬥牛兵團」新核心地位。

西班牙上場對瑞典，雖然開波4分鐘由卡路士蘇拿先開紀錄，但最後倒輸1比2，今場打醒十二分精神，上半場由荷西加耶、卡路士蘇拿、費倫托利斯各入1球，領先3比0。換邊之後，沙拉比亞為西班牙射成4比0完場。

值得一提，卡路士蘇拿同荷西加耶都係效力華倫西亞，2人表現大勇，令「蝙蝠兵團」成為西班牙國家隊新勢力。