Football

 

馬迪爾發達啦!有望明年同美斯尼馬拍住上

最強博彩盤路過關神器《串績王》:http://win.on.cc/football/ 

曼聯今季簽入C朗同查頓辛祖之後,令原本已經長居後備嘅安東尼馬迪爾更加冇機會翻身,英國傳媒指呢位25歲法國國腳嘅經理人已經同巴黎聖日耳門(PSG)接洽,希望對方明年夏天簽入安東尼馬迪爾。

安東尼馬迪爾今季英超只曾於對修咸頓一役踢正選,但踢咗59分鐘就被換走,其餘聯賽往往等到末段先至有機會後備上陣,一般相信當拉舒福特傷愈復出後,安東尼馬迪爾上陣時間將會更加少,留隊根本冇前途,為咗拯救足球事業,轉會成為唯一選擇。

據悉,安東尼馬迪爾傾向轉投巴黎聖日耳門,呢支法甲豪門亦有意簽入1位前鋒,代替好可能明夏離隊嘅基利安麥巴比,雙方有望一拍即合。不過,PSG認為安東尼馬迪爾25萬周薪太高,如果佢想入「門」,可能需要減薪。

PSG鋒線人才濟濟,包括擁有2位巨星美斯、尼馬,如果安東尼馬迪爾有得同佢哋合作,肯定可以學到嘢,即使減人工都抵番晒啦。