干地教練團亮相　美臣回歸、阿哥助陣

足球博彩神器，每日重心提供盡在《彩報》：http://win.on.cc/football/　

熱刺喺歐協聯對維迪斯前，官方宣布新帥干地嘅6人教練團隊，當中最受注目嘅係上季做過看守領隊嘅賴恩美臣，獲干地垂青正式加入教練團，而干地哥哥贊盧卡亦係其中一分子，至於助教一職就由合作多年嘅史泰連尼擔任。

30歲嘅賴恩美臣係前熱刺球星，上季摩連奴被炒魷後，佢曾經擔任熱刺嘅看守領隊，今夏紐奴加盟之後，賴恩美臣就重返青年軍任教，估唔到今次竟然加入干地教練團，預計會成為干地喺熱刺嘅「盲公竹」。

另外，干地嘅哥哥贊盧卡干地將會出任技術同分析教練，兩兄弟自2009年開始已經一直合作，另一位長期拍擋史泰連尼就會擔任助教，呢位47歲教頭喺祖雲達斯同國際米蘭都係干地左右手，今次會再坐熱刺第2把交椅。