新冠肺炎再襲球壇　辛特侯遜18人確診

最強博彩盤路過關神器《串績王》：http://win.on.cc/football/　

德國嘅新冠肺炎疫情惡化，德乙球隊辛特侯遜成為「重災區」，會方公布隊內有18人確診，包括12位球員、6位教練及後勤人員，至於辛特侯遜能否如期出戰周日(7日)晚德乙作客聖保利，成為疑問。

辛特侯遜發表聲明，指球隊上場聯賽作客擊敗特雷斯登之後，有球員喺周三(3日)嘅操練之中，通報自己出現感冒症狀，會方隨即為全隊進行快速檢測，結果發現有12位球員、6位教練及後勤人員確診。

由於18位中招人士之前已經打咗疫苗，所以症狀並唔明顯，部份人只有輕微感冒，佢哋已經進行居家隔離。

至於辛特侯遜對聖保利嘅聯賽，能否如期舉行，仲要等賽會審核之後再作決定。