FIFA最佳教練候選名單　3名帥爭崩頭　

足球博彩神器，每日重心提供盡在《彩報》：http://win.on.cc/football/　

國際足協(FIFA)周五(7日)公布2021年最佳教練3人候選名單，英超兩大教頭哥迪奧拿同杜曹，將會同意大利領隊文仙尼爭奪殊榮，最後結果會喺1月17日嘅FIFA頒獎禮入面公布。

今次3位候選教練戰績彪炳，文仙尼帶領意大利拎到歐國盃冠軍，哥迪奧拿上季就率領曼城4年內3奪英超，而杜曹就率領車路士喺歐聯封王，佢哋嘅領軍功力被公認係世界頂尖，邊個攞獎都係實至名歸。

3位名帥之前都未贏過呢個獎項，哥迪奧拿喺2019年輸畀高普排第2位，而FIFA最佳教練獎過去2年都係由利物浦領隊高普贏出。得獎者係由所有國家隊嘅領隊、隊長同傳媒代表投票，結果喺1月17日出爐。