華維迪被女友威脅：唔入波就食我煮嘅嘢！

足球博彩神器，每日重心提供盡在《彩報》：http://win.on.cc/football/　

皇馬喺西超盃憑費達歷高華維迪加時入波，以3比2擊敗巴塞，但原來呢場贏波功臣係佢女友米娜，佢賽後喺社交網展示一段同男友對話，寫住「唔入波就食我煮嘅嘢！」結果華維迪果然入波！

華維迪女友米娜原來喺賽前向男友發出短訊，佢話：「如果你今場冇波入，咁你就要每日食我煮嘅嘢，好自為之！」短訊旁邊仲有藍剔，表示華維迪已讀。

華維迪喺下半場83分鐘後備上陣，入替莫迪歷，點知佢一入嚟巴塞就追和2比2，賽事進入加時，踢到加時8分鐘，華維迪攻破巴塞大門，並協助皇馬贏3比2，成為贏波功臣，可能對於華維迪嚟講，最重要係唔使食女友煮嘅嘢！