Football

 

沙拿借傷避風頭 無緣鬥孫興民

最強博彩盤路過關神器《串績王》:http://win.on.cc/football/ 

南韓同埃及將於下周二(14日)晚國際熱身賽交鋒,球迷都好期待2位英超神射手孫興民、穆罕默德沙拿大鬥射術,但埃及足總通知南韓方面,指沙拿因為肌肉受傷,無法出戰今場賽事,令球迷大失所望。

埃及日前喺非國盃外圍賽以1比0擊敗畿內亞,據悉穆罕默德沙拿帶傷踢足全場,令肌肉傷勢惡化,已缺陣上場對埃塞俄比亞,結果埃及輸0比2。埃及足總決定批准穆罕默德沙拿提早離隊,唔需要遠赴南韓比賽。

穆罕默德沙拿同孫興民以23個入球平分今季英超金靴獎,沙拿更當選英格蘭球員先生,但孫興民卻連最佳11人陣容都落選,引起爭議,沙拿今次唔使去南韓面對「孫仔」,可以避一避風頭。