經理人證實　奧斯爾準備做職業電競選手

最強博彩盤路過關神器《串績王》：http://win.on.cc/football/　

德國中場奧斯爾嘅足球生涯步向黃昏，3月份因紀律問題被費倫巴治雪藏後，新帥佐治捷西斯亦表明唔會再用奧斯爾，如果佢堅決唔肯轉會，剩低2年合約可能要「齋坐」。雖然足球生命就快玩完，不過佢經理人蘇古證實，呢位德國國腳已準備新發展，將會成為職業電競選手。

蘇古日前接受英國《每日電訊報》訪問透露：「奧斯爾會投入更多時間喺電競，甚至會成為職業電競運動員，講真佢嘅實力非常之高，而且擁有自己嘅電競隊伍M10，喺德國亦有遊戲基地，《FIFA》同《Fortnite》係佢最拿手嘅遊戲。」

奧斯爾喺效力阿仙奴期間，曾被踢爆每日打機超過5個鐘頭，有德國教授直指奧斯爾經常宣稱背傷而缺陣比賽，好可能係同佢長時間坐喺度打機有關。