【官宣】愛華頓2,000萬鎊簽麥尼爾

足球博彩神器，每日重心提供盡在《彩報》：http://win.on.cc/football/　

英超球會愛華頓周四(28日)宣布，成功簽入般尼翼鋒杜韋麥尼爾，據報轉會費達2,000萬鎊，呢位22歲好波之人同簽約5年，新球季將會同前般尼隊友達高斯基喺愛華頓繼續合作。

愛華頓早前賣走李察利臣後，領隊林柏特即呼籲球會「科水」買人，佢哋原本想買般尼另一翼鋒哥尼特，但因為個人條件傾唔掂而告吹，結果周四成功簽入杜韋麥尼爾。杜韋麥尼爾表示：「一聽到愛華頓想簽我，我就已經立定決心，喺林柏特領導之下，我覺得我會有好大進步。」

杜韋麥尼爾為般尼踢過137場英超賽事，合共射入7球，愛華頓早前已經免費簽入般尼中堅達哥斯基，兩人都係般尼近年喺英超嘅重心球員，對愛華頓會有好大幫助。