【官宣】狼隊2,750萬鎊收購古亞迪斯

最強博彩盤路過關神器《串績王》：http://win.on.cc/football/　

英超球會狼隊周一(8日)宣布，成功由華倫西亞簽入葡萄牙前鋒干卡路古亞迪斯，據報今次轉會費高達2,750萬鎊，呢位25歲前鋒簽約5年，佢同狼隊主帥般盧拿治曾經喺賓菲加合作，應該可以好快融入新球隊。

狼隊首席射手魯爾占美尼斯開咧前重傷，令球隊加快增兵步伐，狼隊主席施瑜喺完成收購後表示：「我哋已經留意古亞迪斯一段時間，好開心完成收購，佢好有才華，喺歐洲各大聯賽同國家隊都有好表現，而且同狼隊唔少球員合作過，有信心佢可以好快適應。」

古亞迪斯喺賓菲加出道，曾經同般盧拿治合作，32次代表葡萄牙國家隊上陣嘅佢，對狼隊嘅魯賓尼維斯、摩天奴、普丹斯、柏度尼圖、尼爾遜施美度等葡萄牙球星都好熟悉。