阿仙奴爆出19歲新星　歐霸首演1+1贏到喊

足球博彩神器，每日重心提供盡在《彩報》：http://win.on.cc/football/　

阿仙奴周五(9日)凌晨喺歐霸盃A組，作客2比1擊敗FC蘇黎世，今夏加盟嘅巴西19歲小將馬昆奴斯，今仗首度登場即有突出表現，1入波加1助攻成為球隊贏波最大功臣，呢位小朋友入波後激動到跪地痛哭，前途一片光明。

阿仙奴今場收起多位正選主力，由聖保羅加盟嘅馬昆奴斯就首度上陣，「兵工廠」今仗控制晒戰局，16分鐘法比奧韋拉後場交出直線，尼基迪奧傳中畀馬昆奴斯勁射入網，完半場前FC蘇黎世喺角球混戰博到12碼，由基爾斯奧射入追平。62分鐘馬昆奴斯右路傳中，尼基迪亞飛頂入網，阿仙奴最終贏2比1完場。

轉會費只係300萬鎊嘅馬昆奴斯今場創造歷史，佢係阿仙奴近41年來，第一個喺歐洲賽首演即入波球員，對上一個要數到1981年嘅美亞迪，呢位青訓產品當時喺歐洲足協盃首演對彭拿典奈高斯入波。