夏蘭特或再抖2場　留力鬥車路士

最強博彩盤路過關神器《串績王》：http://win.on.cc/football/　

曼城射手艾寧夏蘭特上輪歐聯對多蒙特，勇戰受傷，已缺陣周六(29日)晚英超對李斯特城，曼城領隊哥迪奧拿透露，呢位22歲挪威國腳需要繼續養傷，肯定無緣周四(11月3日)凌晨歐聯對西維爾，下輪英超對富咸，亦上陣成疑，但應該可以喺11月10日凌晨復出踢英聯盃對車路士。

艾寧夏蘭特傷勢備受關注，哥迪奧拿話：「夏蘭特腳部韌帶受傷，情況已經好轉，但起碼要再休息1星期，佢一定缺陣對西維爾，因為我哋已經取得出線權，希望佢復出對富咸，如果唔得，就留待英聯盃對車路士再披甲。」

艾寧夏蘭特今季各項賽事，為曼城上陣16場入22球，佢上場英超缺陣，「藍月亮」僅靠奇雲迪布尼射入罰球，小勝李斯特城1比0，可見曼城缺少夏蘭特，對球隊攻力影響非常大。