巴西再傷1人　面臨冇左閘用

世盃狂熱盡在《彩報》：https://win.on.cc/football/　

巴西喺世界盃G組最後1戰，0比1不敵喀麥隆之餘，仲有左後衞阿歷士迪尼斯受傷，加上另1位左路守將阿歷士辛度亦有傷在身，令「森巴兵團」主帥迪迪面臨冇正宗左閘可用嘅困境。

巴西正選左後衞阿歷士辛度對瑞士一役傷出，今場由阿歷士迪尼斯擔任正選，但呢位被曼聯外借去西維爾嘅守將下半場防守角球時，同隊友法賓奴泰華利斯相撞受傷，退下火線，成為巴西今屆第4位傷兵，另外3位係尼馬、阿歷士辛度、丹尼路雷斯。

據悉阿歷士辛度已經肯定無緣16強對南韓，如果阿歷士迪尼斯都唔踢得，屆時可能要用中堅馬昆奴斯哥利亞客串左後衞，令巴西防線出現隱憂。