阿根廷「踢多2人」？法媒要求取消美斯入波

最強博彩盤路過關神器《串績王》：http://win.on.cc/football/　

阿根廷球王美斯喺世界盃決賽加時射入關鍵1球，但法國《隊報》指美斯入波一刻，有2位阿根廷後備球員衝入場，入波應該被判無效，法國先至係冠軍。

當時踢到108分鐘，美斯補射入網，球證一度要睇VAR，但只係想判斷另1位阿根廷前鋒拿達路馬天尼斯有冇越位，結果判入波有效。《隊報》指球證忽略場邊有2位阿根廷後備球員擅自衝入場干擾比賽，屬於違規行為，美斯入波應該判無效，如果指控成立，法國贏3比2至真。

網民討論亦非常激烈，有人贊同《隊報》說法，亦有人指該2位後備球員並冇影響比賽，以前南美自由盃都出現過相同情況，認為唔需要小題大做。事實上，阿根廷已經捧盃慶祝，成為定局，相信國際足協冇可能推翻賽果。