衰過加利仔！傳柏加被布魯日極速炒魷

足球博彩神器，每日重心提供盡在《彩報》：http://win.on.cc/football/　

英格蘭領隊出外執教失敗居多，加利尼維利喺2015年執教華倫西亞，4個月極速被炒成為經典，依家執教布魯日嘅柏加，據報亦即將被該比甲勁旅炒魷，唔夠4個月嘅任期仲衰過加利仔！

柏加今季帶般尼茅夫升上英超，但只係踢咗4輪，就喺0比9輸畀利物浦後被炒，上年12月31日接任布魯日領隊，但佢執教11場波只得2勝，消息指如果歐聯16強輸埋畀賓菲加，布魯日就會換帥，意味柏加帶隊唔夠4個月就玩完。

布魯日上場聯賽告奧斯坦德3蛋後，柏加承認帥位難保：「我唔知仲有冇得教，呢個唔到我話事，我亦解釋唔到球隊點解突然踢得咁差。我當然有解決方案，但要全隊團結一致扭轉劣勢，布魯日依家交唔出應有成績，呢點我冇辦法否認。」