PSG歐聯出局真相　華拉堤賽前飲大咗

最強博彩盤路過關神器《串績王》：http://win.on.cc/football/　

巴黎聖日耳門(PSG)歐聯出局已經過去一星期，法國傳媒終於搵到「死因」，原來球隊對拜仁嘅生死戰前，多位主力曾相約聚餐，意大利中場馬高華拉堤仲飲大咗，到比賽時表現奇差，導致輸波。

法國記者Romain Molina爆料指，事發於PSG對拜仁比賽前兩日，馬高華拉堤同基安盧基當拿隆馬兩位意大利兵，邀請多名隊友聚餐，期間有飲酒，華拉堤仲飲大咗，據報呢次飯局係華拉堤圍內幾個相熟球員聚會，基利安麥巴比同美斯並無參加。

但係從比賽表現所見，PSG當日個別球員夢遊球場，正選上陣嘅華拉堤演出更係災難級，咁嘅表現遇上拜仁，想唔輸都難。

報道指，麥巴比同美斯對於隊友嘅聚餐應該係知情嘅，因此對歐聯出局特別失望，近日有消息指美斯已拒絕會方首份續約報價，PSG要佢減薪一半當然冇可能，而麥巴比亦觀察PSG今夏會否大換血，如果再無實際行動亦唔會留低。