挪威大鑊！夏蘭特因傷退隊

挪威國家隊周二(21日)官方宣布，前鋒艾寧夏蘭特因腹股溝傷勢，已返回曼城接受治療，無法參加今期國家隊比賽，無緣對西班牙及格魯吉亞兩場歐國外賽事。

「魔人」近期喺曼城大爆發，近3仗狂入9球，包括上周歐聯對RB萊比錫個入獨取5球，上仗英足盃對般尼又戴帽，雖然哥迪奧拿已經好小心用佢，見佢入完波就換佢走，但上仗63分鐘被調離場時，夏蘭特已感到腹股溝痛楚。

挪威近日召集球員，夏蘭特如常報到，不過經檢查及測試後，佢身體明顯唔適合比賽，報到後已離開大營，返回曼城治療。挪威今次歐國外，靠晒夏蘭特同馬田奧迪加特食胡，夏蘭特仲係最重要嘅球員，依家冇咗佢，挪威呢兩場歐國外都好危。