安素法迪經理人聯絡英超球隊　索價6億

足球博彩神器，每日重心提供盡在《彩報》：http://win.on.cc/football/　

巴塞天才前鋒安素法迪在隊內地位日漸下降，有指今夏將被出售，最新消息指，其經理人文迪斯正聯繫英超球隊，轉會費標價7000萬歐元(約6億港元)。

《每日體育》報道，獲繼承巴塞10號球衣嘅安素法迪表現令人失望，今季45場僅入7球3助攻，正選只有11次，佢表現唔掂，上陣時間愈嚟愈少，形成惡性循環，據稱佢已經不在沙維來季計劃中，要另覓出路。

雖然安素法迪本人仍然希望留隊，但佢經理人文迪斯為咗球員前途着想，近期同一支英超球隊取得聯繫，標價7000萬歐元，來季轉戰英超機會甚高，與此同時，巴塞亦為安素法迪尋找買家聽取報價，為轉會做準備。