曼城派對「重女」 夏蘭特女友罕見拍拖登場
最強博彩盤路過關神器《串績王》：http://win.on.cc/football/
曼城喺今季英超最後一場主場賽事，舉行盛大冠軍派對，除咗一眾職、球員之外，唔少球星嘅家人都有入場一齊慶祝，「重女」嘅慶祝派對相當養眼，其中艾寧夏蘭特亦罕見同女友Isabel拍拖登場。
捧盃嘅開心時刻當然要同最親密嘅人分享，奇雲迪布尼、艾達臣摩拉斯、馬列斯、尼敦阿基等都係「全家大細」一齊出席，唔少「太太」都有極高顏值，好似馬列斯老婆 Taylor Ward就係著名英國真人騷女星。領隊哥迪奧拿亦帶埋父母同囡囡到場，佢個20歲大女Maria已被捧為新一代性感女神兼網紅，盛傳曾經同前英格蘭國腳迪利阿里拍拖，佢嘅到臨亦非常吸睛。
至於平時感情低調嘅艾寧夏蘭特，同19歲女友Isabel亦罕有咁拍住拖出現，Isabel本身亦係女子足球員，平時極少同艾寧夏蘭特一齊喺公開場合出現，今次慶祝捧盃當然要同愛人分享喜悅啦！