艾寧夏蘭特髮型掀熱潮　迪布尼囝囝都跟風

最強博彩盤路過關神器《串績王》：http://win.on.cc/football/　

挪威前鋒艾寧夏蘭特今季喺曼城光芒四射，成為唔少年輕人嘅偶像，佢嘅一頭金色長秀髮更加成為Icon，並喺曼徹斯特引領潮流，就連曼城隊友奇雲迪布尼個囝囝，最近都梳咗個「夏蘭特Look」！

曼城早前慶祝英超同英足盃冠軍，奇雲迪布尼同佢屋企人都有入場，不過奇雲迪布尼7歲大仔Mason，就被影到以「夏蘭特Look」出現。奇雲迪布尼表示：「我冇意見呀！夏蘭特係超級球星，我3個仔女都係長頭髮，事實上我喺囝囝學校入面，見到好多同學都係梳呢個髮型，真係好有趣！」

奇雲迪布尼表示佢3個仔女開始長大，已經學識點樣睇足球：「我啲細路今年開始對足球愈嚟愈有興趣，佢哋開始入場睇波，甚至乎自己都踢埋一份，大仔已經知道足球世界發生咩事，歐聯8強對拜仁慕尼黑佢都有入場，佢慢慢享受足球嘅快樂。」