【官宣】又有人「跳車」　羅夫度斯卓克投A米

最強博彩盤路過關神器《串績王》：http://win.on.cc/football/　

英超豪門車路士今夏頻頻出售球員，以減輕財政負擔，最新再有一人離隊，中場羅夫度斯卓克正式轉投意甲球隊AC米蘭，轉會費為1,600萬歐元(約1.37億港元)，雙方簽約5年。

車路士近日已經有高華錫、夏維斯、高列巴尼、艾度亞文迪、尼高路簡迪等多位球員離隊，羅夫度斯卓克亦加入「跳車」行列，呢位27歲英格蘭中場走人，並唔令人意外，畢竟佢只屬於副選，上季各項賽事僅22場踢正選，並冇入波，只有2次助攻，以往曾被外借去水晶宮、富咸，依家終於結束同母會車路士9年賓主關係。

AC米蘭早前出售中場辛度東拿利畀紐卡素，巴謙戴亞斯已經重返皇馬，加上伊斯美賓拿沙重傷長抖，估計要年尾先至可以復出，A米急需要補充中場人腳，羅夫度斯卓克加盟之後，應該會獲得重用。