以色列U21門神爆紅　要做「迪基亞第二」

最強博彩盤路過關神器《串績王》：http://win.on.cc/football/　

今屆U21歐國盃神奇球隊，非以色列U21莫屬，呢支詔去從未突破分組賽嘅球隊，今屆過關斬將殺入4強，其中門將普列斯更技驚四座，有望成為捷克名將施治後，第2個獲選賽事最佳嘅門將！

以色列U21今屆表現神勇，22歲嘅普列斯首仗對德國U21兩度救出12碼，幫球隊搶走寶貴1分；8強戰互射12碼淘汰格魯吉亞U21，普列斯再次救出對方射門，呢位「12碼專家」毫無疑問係最大功臣。

以色列U21領隊盧桑表示：「喺2013年嘅U21歐國盃(以色列舉辦)，迪基亞係賽事最佳門將，依家以色列擁有呢個年齡組別嘅歐洲最佳門將！」

當年迪基亞協助西班牙U21贏得冠軍，不過賽事最佳球員就由堤亞高艾簡達拿奪得，對上一次有龍門贏得U21歐國盃最佳球員，就要數到2002年嘅捷克門神施治。