退休前最後歷險？傳邦路斯投紐卡素

最強博彩盤路過關神器《串績王》：http://win.on.cc/football/　

意大利中堅邦路斯早前表示計劃明年掛靴，不過呢位36歲老將未打算「安安樂樂」等收山。據《Calciomercato》報道，英超勁旅紐卡素正同邦路斯進行斟介，希望借助佢嘅經驗為球隊出戰歐聯，如果成事嘅話，邦路斯甚至可能會推遲退休計劃。

邦路斯同祖雲達斯只係剩1年合約，雖然美職同沙特阿拉伯球會都向佢提出聘約，但邦路斯就希望留喺最高水平聯賽競逐，有份出戰歐聯嘅紐卡素就係合適選擇。報道指雙方談判有好多細節需要考慮，但初步意見係非常良好，對達成協議表示樂觀。

紐卡素早前已落實簽入意大利國腳中場辛度東拿利，傳聞佢哋亦打算簽埋意大利前鋒費達歷高基艾沙，依家再加埋邦路斯，紐卡素似乎想打造「意大利幫」。