曼聯又輸　遭曼城搶走神童中堅

最強博彩盤路過關神器《串績王》：http://win.on.cc/football/　

英超「曼市雙雄」由場內鬥到場外，曼城出手挖角，已斟掂曼聯16歲天才中堅夏里遜柏加，預料呢位新星將於短期內入「城」，紅魔鬼只能眼白白睇住「未來防線支柱」轉投宿敵。

曼聯2年前從阿仙奴手上搶走夏里遜柏加，呢位小將表現突飛猛進，上季曾經「跳級」為曼聯U18上陣3次，而且年僅16歲已經擁有1米83身高，預料將來可以成為防線「空中霸王」，結果引起曼城關注，根據「轉會權威」記者羅曼諾(Fabrizio Romano)爆料，曼城已經斟掂夏里遜柏加，曼聯想留人都留唔住。

曼城領隊哥迪奧拿擅長發挖年輕球員，菲爾科頓、高爾彭馬喺佢指導之下，都有出色表現，夏里遜柏加跟呢位名帥搵食，應該大把前途。