阿仙奴再斟巴西兵　甘美奧中場加盟好事近

最強博彩盤路過關神器《串績王》：http://win.on.cc/football/　

今個夏天轉會窗大展拳腳嘅阿仙奴，據報將會再次出手，效力巴甲甘美奧嘅23歲球星比迪路，傳聞將會將685萬鎊(約6,850萬港元)加盟，消息指阿仙奴嘅巴西總監伊度，係今次轉會嘅關鍵人物，佢之前已經喺巴甲挖走加比爾馬天尼利、馬昆奴斯等新星。

現年23歲嘅比迪路上季喺甘美奧上位，幫球隊升班重返巴甲，可以踢中場同右翼嘅佢，今季踢14場聯賽有3個入波，阿仙奴依家正為右翼布卡約沙卡物色輪換人選，比迪路就被視為目標人物。

巴西媒體《UOL》指甘美奧本來唔想喺季中放人，但伊度用佢喺巴西嘅影響力成功促成交易，唯一問題係比迪路未知可唔可以申請英國工作證，所以阿仙奴唔排除會收購後，再借佢借番畀甘美奧。