外國博彩網站畀料　美斯可爭美職神射手

足球博彩神器，每日重心提供盡在《彩報》：http://win.on.cc/football/　

美斯空降國際邁亞密，喺北美聯盃上陣3場轟入5球，嚟緊美職聯重開，多咗美斯助陣，對於總排名墊底嘅國際邁亞密成績勢必大有改善，而喺世界各地博彩網站，美職神射手受注項目已經有美斯名字，普遍係12倍至20倍不等，有一間係+2,500，亦即25倍。

美斯仲有冇機會攞美職神射手？睇番現時美職射手榜，排首位係射入13球、效力拿舒維爾嘅穆卡達，拿舒維爾比國際邁亞密多踢兩場，尚餘10場賽事，以佢場均0.54球嘅入球率，最後嘅入球數字可能係18球。

至於美斯，以佢3場入5球嘅節奏，國際邁亞密仲有12場，美斯數字上可以入到20球，剛好超越穆卡達，美斯攞美職常規賽神射手，12倍或20倍都合理，依家有一間博彩網站有25倍，幾好路喎！