奧拿拿有對手了　曼聯將簽土耳其鋼門

曼聯今夏以4,700萬鎊(約4.7億港元)簽入國際米蘭門將奧拿拿之後，領隊坦哈格仍未滿足，準備再收購多1位門將，根據「轉會權威」記者羅曼諾(Fabrizio Romano)爆料，紅魔鬼已經同意以700萬歐元(約6,000萬港元)收購費倫巴治鋼門比恩迪亞，只要通過體測及傾掂個人條件，就可以簽約。

現年25歲嘅比恩迪亞身高1米98，本身為土耳其國腳，過去4季都係費倫巴治主力門將，早前已經傳出曼聯睇中佢。現時兩間球會終於就轉會費達成協議，至於能否落實成交，仲要等比恩迪亞體測情況，以及佢是否接受曼聯開出嘅合約內容。

曼聯亦有兩手準備，如果未能簽入比恩迪亞，就會轉斟賓菲加門將華卓迪莫斯。