【官宣】森林簽阿根廷「大心臟」國腳

英超球會諾定咸森林周四(24日)宣布，成功向西維爾借用阿根廷國腳干沙路蒙迪爾1季，成為森林今夏第5位新兵。干沙路蒙迪爾上季大豐收，幫阿根廷贏世盃之後，再為西維爾捧歐霸盃，無獨有偶，2場決賽都係由干沙路蒙迪爾射入致勝12碼，被球迷大讚係「大心臟」。

26歲嘅干沙路蒙迪爾將會着起29號波衫，佢喺簽約後表示：「我細細個已經睇英超，每一場都睇，作為球員當然想踢最好嘅聯賽，而英超就係最佳聯賽，我會為森林盡力爭取勝利同埋獎盃。」森林喺借用期結束後，有權用約1,000萬鎊(約1億港元)將佢買斷。

森林今夏已簽入基斯活特、艾拿、艾蘭加同馬特端納，干沙路蒙迪爾係第5個新球員，佢哋今季開咧目前1勝1負，上仗主場擊敗錫菲聯打開勝利之門。