曼聯救星到　賀蘭特有望復出鬥森林

曼聯今季踢2場英超僅入1球，鋒線把握力欠佳，幸好球隊收到好消息，新加盟射手賀蘭特已經痊愈，有望周六(26日)晚復出，主場迎戰諾定咸森林。

賀蘭特今夏跟隨前度球會阿特蘭大進行季前集訓期間受咗輕傷，導致一直未能為曼聯上陣，英國《太陽報》指呢位20歲丹麥國腳已經可以跟隨大隊一齊操練，有望喺對諾定咸森林一役候命，領隊坦哈格將於稍後時間，決定是否揀佢入大軍名單。

不過，就算賀蘭特有份成為周末大軍一員，亦只會先擔任後備，最終會唔會上陣，仲要根據戰況而定。