放伊禾比去富咸　愛華頓等降班

富咸喺轉會死線不但留住祖奧包連夏，仲喺愛華頓簽入27歲中場伊禾比，實力有增無減，反觀愛華頓開季唔順利，依家再有主力流失，好多網民都貼「拖肥」係降班大熱。

富咸官方宣布死線日羅致伊禾比，簽約5年，報道指轉會費2,200萬鎊(約2.17億港元)，唔少網民認為，今時今日轉會市場，呢個價錢可以話超值。

伊禾比係阿仙奴青訓產品，2019年轉投愛華頓，上季為「拖肥」上陣41場，交出2入球9助攻，幾乎係球隊進攻命脈，依家竟然轉投護級對手之一嘅富咸，難怪有網民直言「愛華頓來季英冠見」。