白蘭特稱奧拿拿係頂級門將　但有一個前提

曼聯新簽門將奧拿拿早前不斷派膠，表現備受批評，曼聯名宿戴利白蘭特指出，奧拿拿係世界最出色嘅門將之一，但前提係佢頭腦清醒。

戴利白禮特重返阿積士時期，同曼聯多位現役球員做過隊友，其中講到奧拿拿，佢話：「佢係世界上最出色門將，有一種冷靜屬性，亦好全面，當佢頭腦清醒時，係最好嘅門將，佢係一個贏家，成日想做得更好。」

除咗奧拿拿，利辛度馬天尼斯、安東尼馬菲奧斯同雲迪碧克都曾經喺阿積士同戴利白蘭特並肩作戰，其中利辛度馬天尼斯身高同佢相近，同樣成為一位出色後衞，佢話：「利馬好聰明，好有侵略性，亦好強壯，當出咗問題，外間集中談論佢嘅身高，而佢有球同冇球都咁出色，令到身高唔再係問題。」