對手分析奧拿拿弱點　一招收死佢

曼聯門將奧拿拿今季頻頻犯錯失波，根據英國《每日電訊報》報道，其他英超球隊已經對呢位喀麥隆國腳進行分析研究，發現佢最大弱點係回防時，企位太後，令對手有更大射門角度，所以遇到奧拿拿，必須盡快射門。

分析指曼聯球員控球在腳時，奧拿拿喜歡企出來擔任「清道夫」，準備隨時接應隊友回傳，但當曼聯失去控球權時，奧拿拿往往立即回後得太深位置，冇打算出迎封位，變相令對手有更大空間同射門角度，所以作為進攻一方，對住奧拿拿，只要盡快起腳，就可以提升入波機會。

另外，奧拿拿經常上前接應隊友回傳，佢退回小禁區呢段時間，亦係射死佢嘅好機會。事實上，唔少球隊對曼聯，往往射中目標就可以入波，奧拿拿撲救成功率甚低。