麥迪臣寸爆阿諾特：仲想要求重賽？

熱刺早前靠VAR烏龍判決，喺聯賽2比1擊敗利物浦，「紅軍」領隊高普事後曾經要求重賽，被球迷批評「不切實際」。熱刺中場占士麥迪臣近日喺英格蘭國家隊，再遇利物浦代表阿歷山大阿諾特，佢就喺社交網再抽水，寸利物浦「仲想要求重賽？」

英格蘭今次點兵，熱刺同利物浦各有一個代表入選(占士麥迪臣、阿歷山大阿諾特)，兩軍近期「牙齒印」亦成為話題，占士麥迪臣喺社交網貼出佢同阿歷山大阿諾特喺更衣室相片，仲配上對白「仲想要求重賽？」寸爆利物浦「輸唔起」。

熱刺今季全面翻生，目前喺英超排榜首，占士麥迪臣加盟係主要原因，不過呢位26歲中場玩社交網向來古靈精怪，今次「抽水」都係玩嘢居多，唔會影響佢同阿歷山大阿諾特喺國家隊嘅合作關係。