安察洛堤獲頒榮譽學位：以後叫我做博士！

皇家馬德里教練安察洛堤，周三(11日)獲意大利帕爾馬大學頒發榮譽博士學位，呢位64歲冠軍教頭喺親友同傳奇名帥沙基等觀禮下獲頒證實，安察洛堤亦興奮表示：「以後唔好叫我波士，要叫我做博士！」

安察洛堤喺帕爾馬展開佢嘅足球生涯，無論做球員定教練都獲獎無數，周三獲帕爾馬大學頒發「預防與適應運動科學及技術」嘅榮譽博士學位，安察洛堤亦發布自己嘅論文《足球──生活的方式》，闡述足球係「人生學校」嘅理論。

安察洛堤表示：「有人會質疑我冇參過幾多次測驗，但實際上我每3日就有一次『測驗』，我會同球員講，佢哋依家要改口叫我『博士』。足球力量唔係來自個人，而係群體；唔係來自工作，而係熱誠，熱誠令我將自己44年光陰奉獻畀足球，呢啲係市場上面買唔到嘅嘢。」