拉舒福特同女友復合　神秘力量入球大爆發！

曼聯前鋒拉舒福特今季狀態低迷，不過近期喜訊頻傳，上星期被傳媒影到同前未婚妻Lucia復合，上場聯賽對愛華頓即打破入球荒。有曼聯球迷更發現，自拉舒福特出道以來，表現最出色嘅時間都係同Lucia，而兩人分手嘅時間往往係「福仔」低潮期，愛情嘅力量隨時會推動呢位前鋒大爆發！

拉舒福特15歲已經同Lucia拍拖，「福仔」喺曼聯亦平步青雲，19/20同20/21球季，拉舒福特連續2季入波超過20球，但就喺2021年夏天，「福仔」同Lucia就宣布分手，之後1季拉舒福特跌入低潮，全季各項實事只入5球。兩人上年再度復合兼訂婚，拉舒福特亦踢出生涯最佳球季，全季狂入30球兼贏得天價新約。

今年6月兩人又一次分手，拉舒福特被影到喺美國帶私人教練返酒店房過夜，果然「福仔」球場上再陷低潮，近日同Lucia復合就即刻入波，似乎Lucia真係拉舒福特嘅「幸運女神」！