高普最後1次出戰「雙紅會」　往績並唔標青

利物浦領隊高普已落實今季結束後離隊，意味周日(7日)晚英超作客曼聯，將會係呢位德國名帥最後1次領軍出戰「雙紅會」。翻查紀錄，高普執教利物浦以來，各項賽事20次鬥曼聯，取得7勝8和5負，並佔唔到太大甜頭。

根據統計，高普2015年10月成為利物浦領隊之後，有5大「宿敵」，包括曼城、皇馬、李斯特城、曼聯、阿仙奴，其中8次輸畀曼城，屬於紅軍「高普年代」輸畀同一球隊最多次紀錄。

至於對皇馬、李斯特城、曼聯、阿仙奴，利物浦各輸5次，由此可見，曼聯對住由高普執教嘅利物浦，成績拍住得皇馬、阿仙奴。

事實上，曼聯今季英超首循環作客打和利物浦0比0，成為紅軍今季唯一入唔到波嘅聯賽，加上紅魔鬼上月喺英足盃主場淘汰紅軍，今場隨時又有佳作。