利物浦搵中堅　睇中馬克古希

利物浦重建仲有漫漫長路，嚟緊會搵中堅，以取代今夏約滿嘅祖爾麥迪比，最新目標係水晶宮23歲新星馬克古希。

馬克古希於車路士青訓出身，但從未為藍軍上陣，期間外借到史雲斯，2021年以1,800萬鎊轉會費加盟水晶宮，正式征戰英超。

過去3季期間，馬克古希上陣108場入5球，佢曾經係英格蘭U17隊長，2022年首次入選大國腳，至今代表三獅兵團上陣9次。

《Football Insider》報道，馬克古希同水晶宮尚餘2年約，喺《轉會市場》身價為3,800萬歐元(約3.19億歐元)，而水晶宮將馬克古希標價抬高到5,500萬鎊(約5.39億港元)，阿仙奴同曼聯都對佢有興趣，依家再加埋利物浦，相信其轉會費會再貴啲。