C朗預測英超煞科：阿仙奴唔會贏到冠軍！

英超周日(19日)煞科，冠軍將會喺曼城同阿仙奴之間誕生，前曼聯球星C朗拿度雖然已經身處沙特阿拉伯，但佢出席Tyson Fury對Oleksandr Usyk嘅拳賽嗰陣，就對英超冠軍作出預測，表示「阿仙奴唔會贏到冠軍」。

周日朝早喺沙特舉行嘅拳王大戰，C朗拿度、尼馬等球星都以VIP身份入場觀戰，心情大靚嘅C朗不斷同人打牙骹，被譽為「歐洲唐金」嘅拳賽經理人華倫，一向係阿仙奴粉絲，佢見到C朗後即問佢「幾時加盟阿仙奴」，引到C朗笑大個口，之後再講到英超煞科戰，C朗隨即笑住回應：「你哋唔會贏到冠軍，天呀！」

C朗回應阿仙奴捧盃機會：https://twitter.com/i/status/1791922692561498214　

其實C朗已經唔係第一次當眾畀名人要求加盟阿仙奴，英國名嘴皮爾斯摩根喺2019年專訪入面，就拎埋件印上C朗7號嘅阿仙奴波衫畀佢。