曼聯大鑊！馬古尼確實無緣英足盃決賽

曼聯將於周六(25日)晚英足盃決賽對曼城，賽前紅魔鬼遭受不利消息打擊，領隊坦哈格表示，中堅哈利馬古尼傷勢仍然未痊愈，肯定無緣今場大戰。

美臣蒙特、域陀連迪路夫同安東尼馬迪爾日前已復操，但哈利馬古尼仲未掂，坦哈格話：「馬古尼嘅康復進度不及預期，無法上陣對曼城，其他幾位復操球員就可以披甲。」馬古尼自4月底英超對般尼之後，一直受傷缺陣。

另外，盛傳英足盃決賽之後，坦哈格就會被炒，但佢仍然認為自己可以留任：「對於我嘅未來，我冇必要公開講，只會專注必須做嘅工作，現時只會諗點樣去贏英足盃決賽。」