家有要事 菲爾科頓緊急離開德國
剛為英格蘭完成分組賽嘅曼城翼鋒菲爾科頓，因為有緊急家事，周三(26日)由德國飛返英國，據報只屬暫時離開，不過未有歸隊日期。
英格蘭足總發出通告，證實菲爾科頓已經離隊，聲明表示：「菲爾科頓暫時離開英格蘭訓練營，返回英國處理家事。」
菲爾科頓在今屆歐國盃3場分組賽全部上陣，但未能交出在曼城嘅好表現，受到外間批評，今次突然離隊難免打亂修夫基部署，不過比賽好小事，先處理好家事，始終家人先係最重要。
《曼徹斯特晚報》報道，菲爾科頓今次緊急回國，係因為女朋友即將臨盆，倆人第3名子女出世，所以菲爾科頓急住返去，做第3任爸爸。